What
  • World News Campaign
  • Idea Campaign
  • Rant Campaign
  • Problem Campaign
  • Article Campaign
  • Question Campaign
  • Solution Campaign
  • Job Campaign
Where

Er byggðastefna á Íslandi?

Já og ef hún hefði nafn kallaðist hún – Allir suður.

Mín skoðun er sú að byggðastefna á Íslandi sem lítur að landsbyggðunum er veik. Það er enginn kraftur í henni og þetta eru allt of mikil plástravinna í stað alvöru breytinga. Hin raunverulega byggðastefna gengur vel og til marks um það búa um 80% íbúa landsins á höfuðborgarsvæðinu og í klukkutíma keyrslu frá henni.

Í dag virðist mér að allof margir telji að það sé náttúrulögmál að fólk flytji suður. Vegna þessa er í raun engin raunverulegur kraftur í því að byggja upp landsbyggðina og þá innviði sem þarf til svo fólk geti búið þar áfram og nýtt fólk flutt á svæðið. Ef eitthvað er byggt upp tengist það oft og iðulega uppbygginu í stóriðju og því ekki skrítið að margir séu opnir fyrir slíkum framkvæmdum þó þeir sé umhugað um umhverfið.

Það er frábært að búa út á landi þegar allt er í lagi en ekki þegar eitthvað kemur uppá eins og við sáum vel í óveðrinu sem gekk yfir fyrir skemmstu þá hrundu niður mikilvægir innivðir. Þetta sjáum við líka þegar fólk út á landi glímir við langvinn veikindi þá getur kostnaður fjölskyldna hlaupið á miljlónum við að sækja þá þjónstu suður. Vegna kostnaðar gefst fólk upp og færir sig nær þjónustunni sem hefur markvisst verið skorin niður og flutt suður.

Ég get ekki séð annað en að ákvarðnanir um byggðamál séu teknar af fólki í ráðuneytum og ríkisstofnunum sem allt býr á höfuðborgarsvæðinu og skilur ekki hvernig er að búa út á landi, áttar sig ekki á vandamálum og tækifærum sem þar eru. Þetta er ekki vont fólk en það finnur ekki á eigin skinni hvað aðstöðu- og þjónustuleysið er slæmt. Þetta fólk heyrir af vandamálum landsbyggðanna en þær fáu raddir sem það heyrir drukkna í daglegum samræðum þeirra við fólk á sínu heimasvæði.

Það þýðir ekkert að byggja upp innviði út á landi á þeim hraða sem það er gert í dag, það þarf massíva innspýtingu fjárfestinga og alvöru plan fyrir kjarnasvæði hvers fjórðungs ef það er ætlun okkar að halda þeim almennilega í byggð. Meðan þetta áhugaleysi viðgengst eykst bilið milli landsbyggða og höfuðborgar sem er slæmt fyrir alla, við horfum á höfuðborgina og svæðið næst henni þenjast út sem skapar allskonar vandamál m.a. á húsnæðismarkaði og í samgöngum meðan á landsbyggðunum ríkir svo gott sem stöðnun í nýbyggingu.

Á þessu er ein undanteking og það er Akureyri. Þar hefur tekist að byggja upp bæ með þjónustu, afþreyingu og aðstöðu sem gerir Akureyri og nágrenni á áhugaverðum stað til búsetu. Akureyri er í raun skólabókardæmi um það sem þarf að gerast á Vestfjörðum og Austurlandi.

Það verða að vera sterk kjarnasvæði í hverjum fjórðungi sem eru samkeppnishæf um fólk og fyrirtæki, fjölmennari kjarnasvæði sem næra nærliggljandi byggðir. Það þarf því að fjárfesta í þessum kjarnasvæðum og þannig breyta aðstæðum svo þau megi vaxa og dafna. Við erum að tala um göng, vegi og bætt net- og raforkukerfi ásamt niðurgreiðslu á innanlandsflugi sem strax gerir aðgengi að samgeiginlegri þjónustu í höfuðborginni betra. Þetta mun valda því að hingað mun flytja feira fólk sem fjölgar þeim sem krefjast betri þjónustu og aðstöðu.

Síðustu 30-40 ár hefur fólki, þjónustu og aðstöðu verið stefnt suður, fjöldi fólkshöfuðborgarsvæðiðinu og næsta nágrenni segir allt sem segja þarf. Ójafnvægið er orðið algjört. Eins og við vorum minnt á í síðasta óveðri er íslensk náttúra ekkert lamb að leika sér við, en þetta hefði getað verið mikið verra, við hefðum getað verið að tala um vont veður, eldgos og jarðskjálfta á höfuðborgarsvæðinu. Ég veit að það er frekar ólíklegt að þetta gerist allt á sama tíma, en ef þetta gerist og það þarf að flytja heila borg, hvert á hún þá að fara?

Ívar Ingimarsson

Features

Additional Details

      Q Veist þú hvað það búa margir íbúar á höfuðborgarsvæðinu og næsta nágrenni?

      80% allra íbúa Íslands búa á höfuðborgarsvæðinu og í klukkutíma keyrslu frá borginni

      Q Veist þú hvað það búa margir íbúar á Austurlandi?

      10500 manns eða rétt um 3% Íslendinga.

      Rate us and Write a Review

      Relevance to me

      Importance to me

      Global impact

      Willingness to help

      Browse

      We recommended your review commentary should be at least 140 characters long

      Your request has been submitted successfully.

      Project

      No Project Found